GİASİNT, hiasint (Hyacinthus) – giasintlәr fәsilәsinin çoxillik soğanaqlı bitki cinsi. 30-a yaxın növü mәlumdur, onlardan biri – şәrq G.-i (H. orientalis) becәrilir. Qәrbi vә Orta Asiyada, Şәrqi aralıq dәnizi sahillәrindә yabanı halda bitir. Çiçәkçilikdә 15 әsrdәn becәrilmәyә başlanan tәxm. 400 şәrq G.-i növlәri istifadә olunur. Hünd. 30 sm-dәk olan bitkidir. 4-8 әdәd kökyanlı yarpağı xәtvarıdır. Sadә vә ya sәdbәr, әsasәn, zәngvarı kiçik, tәxm. 30 әtirli çiçәyi (3 sm-dәk) yarpaqsız çiçәkdaşıyanda salxım çiçәk qrupunda toplanmışdır. Mart-may aylarında çiçәklәyir. Qumluca, yaxşı drenajlanan, üzvi maddәlәrlә zәngin torpaqlarda günәşli yerlәrdә yaxşı bitir. Çiçәklәrinin rәngindәn asılı olaraq G. sortları 6 qrupa bölünür: göy (mәs., Ostara), yasәmәn rәngli (mәs., Lord Balfur), çәhrayı (mәs., Anna Mariya), qırmızı (mәs., Yan Boss), ağ (mәs., Karneji) vә sarı (mәs., Yellow Hammer). Soğanaqları iyulda qazıb çıxarılır, qurudulur vә sentyabrın sonunda әkin üçün saxlanılır. G. alpinari, çiçәklik vә kәsilmәk (çiçәklәnmә mövsümündә vә yetişdirmә) üçün istifadә olunur. G. vegetativ (bala soğanaqlarla, soğanaq pulcuqları, yarpaq çiliklәri) vә toxumlarla çoxaldılır. Sarı bakteriyalı çürümә vә giasint gәnәsi ilә zәdәlәnir.

Şәrq giasinti (Hyacinthus orientalis).