GİNUXLULAR (özlәrini gyinozi, gyenoze, avarca gyenukal adlandırırlar) – Dağıstanın (Rusiya) q.-indә sez xalqlarından biri. Sayları 0,5 min nәfәrdir (2002). Əsasәn Oxtlyo d.-nın (Sunta r-nu) әtәyindә yerlәşәn Genux (Ginux) k.-ndә, 100-dәn çox düzәnlikdә (Qızlar r-nunun Monastırskoye k., Qızılyurd r-nunun Stalskoe k.), tәqr. 100 nәfәri Gürcüstanda yaşayır. Ginux dilindә danışırlar, hәmçinin rus, avar, sez, gürcü vә s. dillәr yayılmışdır. Dindarları müsәlmandır.

Dido ittifaqına, 15 әsrdәn Ansux–Kapuça ittifaqına, sonralar Dido (Sez) kәnd icmaları ittifaqına daxil idilәr. Kәnd mәhәllәlәrindә yaşayan qohum ailә birliklәri (tuxumlar) mövcud idi. 18 әsrin sonlarında islam yayılmışdır. Qafqaz müharibәsi (1817–64) nәticәsindә Genux k. dağıdılmış, 1860-cı illәrdә G. mәrkәzi Kidero k. olan naibliyin tәrkibinә daxil olmuşdular. Dağlılar üsyanının (1877) mәğlubiyyәtindәn sonra onların bir qismi sürgün edilmiş, digәrlәri Osmanlı imperiyasına köçmüşlәr. 1926 vә 1939 illәrin siyahıyaalmalarında G. sezlәr, sonra isә avarlar kimi qeydiyyata alınmışlar. Ənәnәvi mәdәniyyәtlәri Qafqaz xalqları üçün sәciyyәvidir. Əsas mәşğuliyyәtlәri – yüksәk dağlıq әrazilәrdә köçәbә maldarlığıdır.