GİR Riçard, Richard Tiffany Gere (d.31.8.1949, Pensilvaniya ştatı, Filadelfiya) – Amerika kinoaktyoru. 1967 ildә Massaçusets ştatının Amherst un-tinә daxil olmuş, lakin tәhsilini yarımçıq qoymuşdur. 1971 ildә Keyp-Kolda Guildenstern vә Rosencrantz teatrlarında çıxış etmişdir. Kinoda ilk rolu “Cәnab Goodbar” (1971) filmindә olmuşdur. 1973–80 illәrdә çәkildiyi filmlәr ona populyarlıq gәtirmiş, bir-birinin ardınca müxtәlif filmlәrә dәvәt almışdır. G. 1975 ilәdәk epizodik rollarda çıxış etmiş, 1977 ildә “Mister Qudbarın axtarışı” filmindә ilk dәfә baş rolda çәkilmişdir. G.-in intim emosional rolları daha uğurlu alınırdı. Rej. Hekfordun “Zabit vә centlmen” (1982) filmindә yaratdığı obraz G.-in xarakterinә uyğun olduğuna görә rol real cizgilәri ilә seçilir. 1990 ildә “Gözәlçә” filmindәki rolu aktyora böyük şöhrәt gәtirmişdir. Çәkildiyi başqa filmlәr: “Qan qardaşları” (1978), “Son nәfәsdә” (1983), “Evdәn uzaqda” (1988), “Avqust rapsodiyası” (1991), “Yol ayrıcında” (1994), “Birinci rıtsar” (1995), “Çaqqal” (1997), “Nyu-Yorkda payız” (2000), “Çikaqo” (2003, әn yaxşı kişi roluna görә “Qızıl qlobus” mükafatı), “Arı mövsümü” (2005), “Mәn orda yoxam” (2007), “Xatiko: әn sadiq dost” (2009), “İkili agent” (2011), “Moviye 43” (2013), “Meriqold” oteli. Mәskunlaşma davam edir” (2015). 2015 ildә Karlovı-Varı kinofestivalında dünya kinosuna verdiyi töhfәlәrә görә xüsusi mükafata layiq görülmüşdür.

R.Gir “Nyu-Yorkda payız” filmindә.