GİRESUN – Türkiyәnin Qara dәniz bölgәsindә il. Sah. 6,8 min km2. Əh. 419,6 min (2012). İnz. m. Giresun ş.-dir. İlin c.-unda enlik istiqamәtindә uzanan Giresun d-rı il әrazisinin iqlimini formalaşdırır; dağların Qara dәnizә baxan şm. yamaclarında mülayim rütubәtli (yağıntının illik miqdarı 1200–1300 mm), Kәlkit çayına dik düşәn c. yamaclarında kontinental iqlim (yağıntının illik miqdarı 400–500 mm) hakimdir. İqtisadiyyatını taxılçılıq, fındıqçılıq, çayçılıq, tәrәvәzçilik vә heyvandarlıq tәşkil edir; kağız, fındıq, çay f-klәri var. Faydalı qazıntıları: mis, dәmir, qurğuşun-sink, daşduz. İnzibati mәrkәzi Giresun ş.-dir. Sellüloz-kağız (Aksu SEKA kağız, “Yonga Levha” f-ki), yeyinti (“Fiskobirlik Entegre Fındık İşleme Tesisleri”, “Bulancak Balık Unu vә Yağı”, Tirәbolu Çay, pendir vә yağ, üç un f-ki) vә yüngül (fındıq emalı, әtriyyat, toxuculuq dәzgahları, k.t. alәtlәri, hәmçinin taxta-şalban) sәnaye müәssisәlәri fәaliyyәt göstәrir. Mis, sink, dәmir, qurğuşun, kaolin, liqnit, manqan, sürmә, dәmir, zәy, barit, daş kömür vә uran yataqları var. Oduncaq (ildә tәqr. 500 min m3) istehsal olunur.
Əhalinin 80%-indәn çoxu k.t.-nda çalışır (2019). K.t.-nda meyvәçilik (әsasәn, kivi, alma, armud, naringi, gilemeyvә vә qoz) vә tәrәvәzçilik (paxlalı bitkilәr, kartof, kәlәm, pomidor) inkişaf etmişdir. G. әrazisinin 35%-ini meşәlәr tutur, 8%-i k.t.-na yararlıdır, onun tәqr. 90%-ini dәnli bitkilәr (әsasәn, qarğıdalı, buğda vә arpa) tәşkil edir. Vilayәtin әsas gәlir gәtirәn sahәsi fındıq (ölkә üzrә istehsalın 25%-i; tәqr. 90 mln. ağacdan 70 min t, 2019) vә çay istehsalıdır. Heyvandarlıq (qaramal, davar), balıqçılıq (xәmsә, stavrida, palamut, torik, sargan, kefal, barbunya, mezgit, qalxan, izmarit), arıçılıq (әsasәn, meşәlәrdә bal istehsalı üzrә ölkәnin 81 vilayәti arasında 17-ci yeri tutur, 2019), quşçuluq geniş yayılmışdır.
Sürәtli avtomagistral vә dәniz portu var.
