GİRESUN – Türkiyәnin şm.-ş.-indә şәhәr. Giresun ilinin inz. m. Əh. 96,9 min (2010). Qara dәnizin c. sahilindә port. K.t. r-nunun ticarәt mәrkәzi (fındıq, qarğıdalı, lobya). Yeyinti, sellüloz-kağız sәnayesi, fındığın ilkin emalı var.

Giresun şәhәrindәn görünüş.

Yunanlar tәrәfindәn Kerasos vә ya Kerasunta (yun. Κερασουντα) adı ilә salınmışdır. E.ә. 183 ildә Pont çarı I Farnak bu әrazini işğal etmiş vә burada qala tikdirmişdi. Romanın Mitridata qarşı apardığı müharibә (e.ә. 73–66) gedişindә romalılar tәrәfindәn tutulmuş vә Roma imperiyasının, sonralar isә Bizans imperiyasının tәrkibinә keçmişdir (1203 ilәdәk). 1203 ildәn Trapezund (T r a b z o n) imperiyasının tәrkibindә olmuş, Sinopun osmanlılar tәrәfindәn tutulmasından sonra әhәmiyyәtinә görә Trapezundun ikinci şәhәrinә çevrilmişdir. 1461 ildә Sultan Mehmed Fateh G.-u Osmanlı imperiyasının tәkibinә qatmışdır. 19 әsrdә şәhәr әhalisinin әsas mәşğuliyyәti fındıq ticarәti, hәmçinin gәmiçilik idi. G. Şәki (Azәrb. Resp.) ilә qardaşlaşmış şәhәrlәrdәndir.

G. qalası (e.ә. 200 il), Topal Osman mәqbәrәsi, Hacı Hüseyn mәscidi vә s. şәhәrin memarlıq abidәlәridir. Muzey, Un-t (1962; 2006 ildәn indiki adı ilә) vә s. var. Qoruq (Osmanlı imperiyasına aid inzibati binalar vә yaşayış evlәri), Ares a. (hәr il may ayının 20-si adada festival keçirilir), çimәrliklәr vә s. turizm baxımından cәlbedicidir.