GİRİN, Szilin – Çindә, Girin әyalәtindә şәhәr. Əh. 2 mln. (aqlomerasiyada 4,3 mln.; 2010). Sunqari çayı sahilindә port. D.y. qovşağı. Mәdәniyyәt vә elm mәrkәzidir. Kimya, ağac emalı, sellüloz-kağız, tikinti, alüminium sәnayesi; maşınqayırma, İES, SES var. 1673 ildә salınmışdır.

Girin şәhәrindәn görünüş.

1673 ildә salınmışdır. Sin imperiyasının mühüm siyasi, iqtisadi vә mәdәni mәrkәzi, mancur mәdәniyyәtinin formalaşdığı yer olmuşdur. İkinci dünya müharibәsi zamanı güclü dağıntılara mәruz qalmışdır.

5 ali tәhsil müәssisәsi fәaliyyәt göstәrir. Kimya (şәhәrin sәnaye mәhsulu dәyәrinin tәqr. 1/3-i; gübrә, rәnglәyici, etil, sintetik kauçuk, kimyәvi lif), metallurgiya (ferro әrintilәr z-du), әczaçılıq, ağac emalı, sellülöz-kağız, yeyinti (o cümlәdәn şәkәr, pivә, çaxır), pambıq parça, ipәk sәnayesi müәssisәlәri var; maşınqayırma (avtomobillәr, soyuducalar, paltaryuyan maşın vә televizorlar), tikinti materialları istehsal olunur. G. aqlomerasiyası özündә bir neçә texniki-iqtisadi mәnimsәmә zonasını özündә birlәşdirir. Şәhәr әrazisindә yüksәk texnologiyaların sәnaye rayonu “Girin” texniki-iqtisadi mәnimsәmә zonası yerlәşir: müasir materialların istehsalı sahәsinin işlәnib-hazırlanması, zәrif kimya, telekommunikasiya, dәrman preparatlar; sahilboyu şәhәrlәr vә sahilboyu iqtisadi zonaların inkişafı üçün güzәşt sistemi var.

G. yaxınlığında “Luntan” vә “Yuntszi” texniki-iqtisadi mәnimsәmә zonası; “Fınman” SES-i var.