GİSTRİÓN [lat. histrio (histrionis)] – 1) Qәdim Romada aktyor. G.-ları, adәtәn, cәmiyyәtin aşağı tәbәqәlәrindәn, bәzәn dә vәtәndaşlıq hüququndan mәhrum, cismani cәza verilә bilәn qullardan seçirdilәr. G.-lar truppa yaradır vә aktyorlardan biri truppaya rәhbәrlik edirdi. Əvvәllәr maskasız oynayırdılar; e.ә. 1 әsrdә yunan teatrının tәsiri ilә maska tәtbiq olunmağa başladı. Qadın rollarını kişilәr ifa edirdilәr. 2) Orta әsrlәrdә xalq gәzәrgi aktyorları. Xüsusi qardaşlıq cәmiyyәtlәrindә birlәşәn G.-lar eyni zamanda nağılçı, musiqiçi, rәqqas, müğәnni, heyvan tәlimçisi vә s. idilәr. G.-ları Fransada jonqlyor, Almaniyada şpilman, Rusiyada skomorox adlandırırdılar. G.-lar dövlәt vә kilsә tәrәfindәn tәqib olunmuşlar.

Əd.: История западноевропейского театра. M. 1956. T. 1.