GİZLİQƏLSƏMƏLİLƏR, n ә h ә n g s a l a m a n d r l a r (Cryptobranchidae) – quyruqlu suda-quruda yaşayanlar fәsilәsi. İkinci dәfә su hәyatına keçәn sadә heyvanlar; müasir suda-quruda yaşayanların әn irisi (uz. 1,8 m-әdәk vә daha uzun, kütlәsi 65 kq-adәk). Bәdәn yastılaşmış, başı iri, yastı, ağzı enlidir. Gözlәri çox xırda vә qapaqsızdır. Ön ә t r a f l a r ı 4 barmaqlı, arxa әtrafları isә 5 barmaqlıdır. Quyruğu uzun, kürәkşәkilli, yanlardan basıqdır. Yaşlı fәrdlәrdә 2–4 qәlsәmә qövsü qalmışdır, lakın qәlsәmәlәri yoxdur. Şәrqi Çindә, Yaponiyada vә Şimali Amerikanin c.-ş. hissәsindә 2 cinsi, 3 növü var. G. daim çaylarda, dağlardakı kiçik çaylarda, sahillәrdә, sığınacaqlarda vә daşların altında yaşayırlar, sahilә çox az çıxırlar (yağışdan sonra). Balıqla, suda-quruda yaşayan heyvanlarla vә su onurğasızları ilә qidalanırlar. Mayalanma xaricidir. Dişi fәrd su altı yuvalara 450-yәdәk yumurta qoyur, erkәk fәrd onları qoruyur. Ətinin hәm yeyilmәsi, hәm dә dәrman vasitәsi kimi istifadә olunması, demәk olar ki, G.-in tamamilә qırılmasına sәbәb olmuşdur.
Gizliqәlsәmәlilәr. Nәhәng yapon salamandrası
(Andrias japonicus).
(Andrias japonicus).
