GOD – qәdim pәtәk növü. İbtidai arı yuvasını – ağac koğuşunu xatırladan G. Azәrb.-ın meşә zonalarında arı saxlamaq üçün ta qәdim zamanlardan istifadә olunmuşdur. G.-u hazırlamaq üçün diametri 50–70 sm olan ağac (әsasәn, qoz, cökә, fısdıq, palıd) gövdәsinin içәrisi silindr şәklindә oyulur, hәr iki başına taxta payacıqlarla bәrkidilәn qapaq bağlanır vә yastı daşın, yaxud taxta parçasının üstünә qoyulurdu. Yağış vә qardan qorumaq mәqsәdilә G.-un üzәrini ağac qabığı vә ya samanla örtürdülәr. G.-un 2 forması olurdu: dik vә yatıq. Göygöl, Daşkәsәn, Qazax, Qarabağ, Naxçıvan, Kәlbәcәr, Gәdәbәy vә Laçın r-nlarında dik G. ya yılmışdı; Lәnkәran-Astara bölgәsindә yatıq G.-dan istifadә edirdilәr. Azәrb.-ın bir sıra r-nunda G.-da taxılda saxlanılırdı
Dik formalı godlar.
