GÖLPINARLI Əbdülbaqi (12.1.1900, İstanbul – 25.8.1982, İstanbul) – türk әdәbiyyat şünası. Ata tәrәfi vaxtilә Gәncәdәn Bursaya köçmüşdür. İstanbul Un-tinin әdәbiyyat fakültәsini (1930) bitirmiş, Konya, Kayseri, Balıkәsir, Kastamonu liseylәrindә müәllimlik etmiş, Ankara (1939) vә İstanbul (1942) un-tlәrindә dәrs demişdir. Tәsәvvüf vә divan әdәbiyyatı ilә bağlı tәdqiqatları, әrәb vә fars dilindәn etdiyi tәrcümәlәri ilә tanınmışdır. Yazıları “Orxon”, “Azәrbaycan yurd bilgisi”, “Qaynaq”, “Türkiyyat mәcmuәsi”, “Türk ensiklopediyası”, “İslam ensiklopediyası” kimi elmi nәşrlәrdә, müxtәlif qәzet vә jurnallarda dәrc olunmuşdur. Tәqr. 114 kitabı, 400-dәn çox elmi mәqalәsi var. “Mәlamilik vә mәlamilәr” (1931), “Mövlanә Cәlalәddin” (1952), “Mövlanәdәn sonra mövlәvilik” (1953), “Mövlәvi әdәb vә әrkanı” (1963), “Yunus Əmrә, hәyatı” (1936), “Yunus Əmrә divanı” (1948), “Yunus Əmrә vә tәsәvvüf” (1961), “Divan şeiri” (4 kitab, 1954–1955), “100 sualda tәsәvvüf” (1969), “Türk tәsәvvüf şeiri antologiyası” (1972) vә s.-in müәllifidir. M.Füzulinin “Sәhhәt vә mәrәz” (1940), M.Şәbüstәrinin “Gülşәni-raz” (1944) әsәrlәrini, C.Ruminin “Mәsnәvi” sini (1973), Hafizin “Divan”ını (1944), Xәyyamın rübailәrini (1973), hәmçinin Qurani-Kәrimi (1955) türk dilinә tәrcümә etmişdir.
