GÖNYEYƏNLƏR, d ә r i y e y ә n l ә r (Dermestidae) – müxtәlif cür qidalananlar yarımdәstәsindәn böcәklәr fәsilәsi. Bәdәni (uz. 1,1–11 mm) adәtәn oval, tükcüklәrlә yaxud pulcuqlarla örtülmüşdür. Bığcıqları sancaqşәkillidir. Rәngi qәhvәyi, yaxud qaradır, çox vaxt әlvan naxışlıdır. Sürfәlәri nizәşәkilli vә ya yarımsilindrik olur. 1200-әdәk növü var; Azәrb.-da 32 növü mәlumdur. Əsasәn, quru vә isti iqlimli r-nlarda geniş yayılmışdır. Sürfәlәri heyvan mәnşәli quru maddәlәrlә, böcәklәr ya sürfәlәr kimi, ya da çiçәklәrin üzәrindә qidalanır, bәzәn heç qidalanmırlar. Bir çox növlәri dәriyә, xәzә, әt vә balığa zәrәr verir, mәs., vetçina gönyeyәni (Dermestes lardarius), çopur gönyeyәn (D. ater). Muzey gönyeyәni (Anthrenus museorum) muzey kolleksiyasına, bәzi növlәri isә ipәkçiliyә ziyan vurur. G.-in Trogoderma cinsindәn olan kopra böcәyi (T. granarium), әsasәn, hind qozunun, taxıl vә taxıl mәhsullarının zәrәrvericisidir. Xalça gönyeyәni (Attagenus megatoma) Azәrb.-ın hәr yerindә yayılaraq yundan olan mәmulatı korlayır.
Xalça gönyeyәni (Attagenus megatoma).
