GÖPPERT-MÀYER (Goeppert-Mayer) Mariya (28.6.1906, Polşa, Katovitse – 20.2. 1972, Kaliforniya ştatı, San-Diyeqo) – Amerika fiziki. ABŞ Milli EA üzvü (1956). Nobel mükafatı laureatı (1963, H.Yensen ilә birlikdә). Un-tini bitirdikdәn sonra (1930) ABŞ-a köçmüşdür. Baltimorda C.Hopkins Un-tindә, sonra Nyu-Yorkda Kolumbiya Un-tindә molekulların kvant mexanikası tәdqiqatları, kondensasiya nәzәriyyәsi vә statistik fizika ilә mәşğul olmuşdur. Müxtәlif illәrdә M.Born, E.Fermi, E.Teller, Q.K.Yuri ilә birlikdә işlәmişdir. 1941 ildә Kolumbiya Un-tindә dәrs demiş, sonra Manhetten layihәsindә çalışmışdır. 1946 ildәn Çikaqo Un-tinin prof.-u vә Arqon milli laboratoriyasının baş fiziki, 1960 ildәn San-Diyeqoda un-tin prof.-u olmuşdur. Əsas elmi işlәri kvant mexanikasına, nüvә fizikasına, izotopların bölünmәsinә, nüvә reaktorlarının nәzәriyyәsinә aiddir. İşığın ikifotonlu udulmasını (1930), ikiqat beta-parçalanmasını (1935) qabaqçadan söylәmişdir. Atom nüvәlәrinin stabilliyini vә yayılma dәrәcәsini, onların sehrli әdәdlәrlә әlaqәsini tәdqiq etmişdir. Nüvәnin örtük modelini tәklif etmişdir (H.Yensendәn asılı olmadan)
