GÖREME – Türkiyәnin mәrkәzi hissәsindә, Nevşehir ilindә (Kappadokiya tarixi vilayәti), eyniadlı yaşayış mәntәqәsinin yaxınlığında yerlәşәn Bizans dövrünә aid xristian mağara monastırları kompleksi. Divar rәsmlәri çәkilmiş tәqr. 40 mәbәd, әsasәn, 10–11 әsrlәrә, qәdimlәri isә 7 әsrә aiddir. Ən geniş yayılmış kilsә tipi birnefli, silindrik qübbәli, bir vә ya 3 apsidalı kilsәdir. Əsas qübbәsi nef ilә transeptin kәsişmәsindә, kiçik qübbәlәri isә künclәrindә yerlәşәn xaç planlı kilsәlәrә az rast gәlinir. Mәbәdlәrin fasadında nalşәkilli oyma tağ sıraları, interyerdә mozaik xaçlar formasında dekor, hәmçinin qırmızı boya ilә çәkilmiş xaç tәsvirlәri vә hәndәsi ornament vardır (әn qәdimi 8 әsrә aiddir); sonralar hәmin divar rәsmlәrinin üzәrindә dini süjetli boyakarlıq tәsvirlәri çәkilmişdir (Tokali kilsәsindәki 963–967 illәrә aid tәsvirlәr). G. mağara mәbәdlәri Ümumdünya irsi siyahısına daxil edilmişdir.
Göreme mağara monastırları kompleksi (Göreme Milli Parkı).
