GÖRMƏ SAHƏSİ (optik sistemin) – optik sistemlә tәsvir olunan fәza (vә ya müstәvi) hissәsi. G.s. işıq dәstәsini mәhdudlandıran optik detalların konturları ilә (linzaların, prizmaların çәrçivәlәri ilә), diafraqmalarla tәyin edilir. G.s-nin böyüklüyü giriş bәbәyinin A mәrkәzindәn (şәkil) әn kiçik bucaq altında görünәn S1 S2 konturu ilә tәyin olunur. Bu kәmiyyәt ya 2α bucağı (bucaq G.s.) ilә (bu bucaq altında giriş bәbәyinin mәrkәzindәn S1S2 konturu vә predmetin müvafiq O1O2 hissәsi görünür), ya da O1O2 hissәsinin 2l xәtti uz. (xәtti G.s.) ilә ölçülür. Uzaqdakı obyektlәrin müşahidәsi üçün nәzәrdә tutulan sistemlәri (teleskopları, müşahidә borularını) adәtәn bucaq G.s. ilә, yaxındakı obyektlәr üçün olan sistemlәri (mәs., mikroskopu) isә xәtti G.s. ilә xarakterizә edirlәr. Ümumi halda obyektin O1O2 müstәvisi vә S1 S2 konturu üst–üstә düşmür (şәkildә BB1 halqasının eni). Əgәr üst– üstә düşәrsә, onda G.s.-nin sәrhәdi kәskin olur. Buna bir çox teleskoplarda, müşahidә borularında vә digәr optik cihazlarda (sahә diafraqmasını obyektivin fokal müstәvisindә yerlәşdirmәklә) nail olmağa çalışırlar. Bucaq G.s. (2α) predmetlәrin fәzasında optik sistemin bucaq böyütmәsi ilә tәrs mütәnasibdir vә müxtәlif tip optik sistemlәr üçün çox geniş intervalda dәyişir. Binokllarda (durbinlәrdә) 5–10°-yә, әn böyük optik teleskoplarda bir neçә bucaq dәq.-sinә, genişbucaqlı fotoobyektivlәrdә 120–140°-yә, hәtta 180°-yә bәrabәr olur. Mikroskopun xәtti G.s. okulyarın G.s.-nin (2l) obyektivin xәtti böyütmәsinә (β) nisbәtinә bәrabәrdir: 2l / β.
Optik sistemin görmә sahәsi. OO – optik sistemin oxu.
