GÖVDƏ KƏPƏNƏYİ (qarğıdalı kәpәnәyi) – 200-dәn çox bitkini zәdәlәyәn odlucalar fәsilәsindәn olan Ostrinia nubilalis, O. Furnacalis vә b. yaxınqohum kәpәnәklәr. Çöl, çöl-meşә vә tayqa zonasının c.-unda yayılmışdır; Azәrb.-da otyeyәn odlucalar fәsilәsinin 1 yarımnövü qarğıdalıya ziyan vurur. Qanadları açılmış halda 24–32 mm olur, erkәklәri dişilәrindәn xırda vә daha tünd rәnglidir. Boz-sarımtıl tırtıllarının uz. 25 mm-әdәkdir; ot bitkilәrinin gövdәsinin içindә qışlayır. Kәpәnәklәrin uçuşu iyundan iyuladәkdir; Mәhsuldarlığı 250–300 yumurtadır. Qafqazda iki nәsildә inkişaf edir. Kütlәvi çoxalma zamanı G.k. qarğıdalı, darı vә b. irigövdәli bitkilәrin әkinlәrinә xeyli ziyan vurur. Mühafizә tәdbirlәri: tırtılların inkişafının qarşısını alan aqrotexniki tәdbirlәr kompleksi, alaq bitkilәri ilә mübarizә, insektisidlәrdәn istifadә.
Ostrinia nubilalis gövdә kәpәnәyi.
