GÖVSA İbrahim Əlaәddin (1889, İstanbul – 29.10.1949, Ankara) – türk şairi, türk uşaq әdәbiyyatının yaradıcılarından biri. İstanbul hüquq mәktәbini bitirmiş (1910), Trabzonda әdәbiyyat müәllimi işlәmişdir (1911–13). Cenevrәdә tәhsilini davam (1913–15) etdirmişdir. 1915 ildә әdәbi heyәt tәrkibindә Çanaq qalaya göndәrilәn G. müharibә tәәssüratlarını “Çanaqqala izlәri” şeirlәr kitabında (1926) әks etdirmişdir. 1916–26 illәrdә İstanbul darül müәllimindә müәllim vә müdir vәzifәlәrindә işlәmişdir. 1926, 1936–45 illәrdә Türkiyә Böyük Millәt Mәclisinin deputatı olmuşdur. Klassik şeir formalarında yazdığı ilk әsәrlәrindә Namiq Kamal, Ziya Paşa, sonrakı dövr yaradıcılığında isә Əhmәd Haşim, Xәlil Nihat Boztәpә vә xüsusilә Mehmet Akif Ərsoyun tәsiri hiss olunur. Əruz vәznindә yazdığı mәşhur “Tәvaf” şeirini Atatürkün ölümünә hәsr etmişdir. G.-nın uşaqlar üçün yazdığı didaktik әsәrlәri “Uşaq şeirlәri” (1913) kitabında toplanmışdır. Müxtәlif qәzet vә jurnallarda pedaqogika vә uşaq әdәbiyyatına aid mәqalәlәri, fransız dilindәn tәrcümәlәri dәrc olunmuşdur. “Sülh vә müharibә” (1920) mәnzum pyesinin, hekayә vә satirik әsәrlәrdәn ibarәt “Şәn yazılar” (1926), tәhsil vә uşaq psixologiyası mövzusunda “Bәdii tәrbiyә” (1925), “Uşaq ruhu” (1926) vә s. kitabların müәllifidir. Müxtәlif ensiklopediyaların hazırlanması sahәsindә geniş fәaliyyәt göstәrmişdir (“Mәşhur insanlar ensiklopediyası”, 4 cilddә, 1933–38; “Kәşf lәr vә ixtiraçılar”, 1939; “Əlli böyük türk”, 1940; “Türk mәşhurları ensiklo pediyası”, 1946; “Şәkilli yeni lüğәt vә ensiklopediya”, 5 cilddә, 1947–54).
