GÖYÇAY – Azәrb. Resp.-nda şәhәr (1916 ildәn). Göyçay r-nunun mәrkәzi. Bakıdan 215 km, Ucar d.y. st.-ndan 17,5 km aralı, Göyçay çayının sahilindә, Şirvan düzündәdir. Əh. 37 min (2017). Mәskәnin adı sahilindә yerlәşdiyi Göyçay çayının adından götürülmüşdür. Bәzi mәlumatlara görә, mәskәnin ilk sakinlәri 15 әsrdә Qaraman bәyliyindәn köçәnlәr olmuşlar. 18–19 әsrlәrdә buraya zәlzәlәlәrә mәruz qalan Şamaxı sakinlәri köçmüşlәr. 1867 ildә G. Bakı quberniyası Göyçay qәzasının mәrkәzi idi. 1916 ildә şәhәr statusunu almışdır. Tarixi abidәlәrdәn yeraltı hamam (19 әsr), Əbülfәzl Abbas mәscidi (19 әsr) var. Şәhәrdә 34 mәktәbәqәdәr tәhsil müәssisәsi, 56 ümumtәhsil mәktәbi, lisey, kollec, 2 mәktәbdәnkәnar tәhsil müәssisәsi, uşaq musiqi mәktәbi fәaliyyәt göstәrir (2017/18). 4 kitabxana, Heydәr Əliyev mәrkәzi, Gәnclәr mәrkәzi, Mәdәniyyәt mәrkәzi, 3 muzey, mәdәniyyәt evi, 17 klub, 2 park vә idman meydançası var. Göyçay Olimpiya İdman Kompleksi 2010 ildә istifadәyә verilmişdir.
Yeraltı hamam. Göyçay ş.
Göyçay Olimpiya İdman Kompleksi. Göyçay ş.
