GÖYÇƏR Aytәn (d. 26.1.1940, Ankara) – türk teatr vә kino aktrisası. Bir müddәt Ankara Dövlәt Konservatoriyasının balet bölmәsindә tәhsil almışdır (1952). 1958 ildәn dövlәt teatrlarında çalışmışdır. “Kaktus çiçәyi” (1967, P.Baril) vә “Mәnim gözәl ledim” (1971, B.Şounun “Piqmalion” әsәri üzrә, bәstәkar L.Frederik) tamaşalarındakı rollarına görә iki dәfә Sәnәtsevәrlәr Cәmiyyәtinin әn yaxşı qadın sәnәtçi mükafatını almışdır. 30-dan çox tamaşada çıxış etmişdir: “Bu gecә başqa gecә” (R.N.Güntәkin), “Su pәrisi” (İ.Jan Jirodu), “Eşq acısı” (M.Aşar), “Klinik hadisә” (D.Bussati), “Bernarda Albanın evi” (F.Q.Lorka), “Don Juan” (J.B.Molyer), “Andorra” (M.Friş), “On ikinci gecә” (U.Şekspir), “Vanya dayı” (A.Çexov), “IV Henrix” (L.Pirandello), “Voysek” (G.Büxner), “Lamançlı Don Kixot” (D.Vasserman), “Bağdad xatun” (G.Dilmәn), “Yeddi әrli Hürmüz” (S.Şәndil),”Virciniya Vulfdan kim qorxur” (E.Olbi) vә s. Çәkildiyi filmlәr: “Tacsız kral” (1965), “Analar günü” (1973), “Əlif ana” (1991), “Salamat qal, Güzin” (2008), “İstanbul qırmızısı” (2017) vә s. Televiziya seriallarına da (“Patron kimdir”, 2003; “Qәfildәn döyülәn qapı”, 2005 vә s.) çәkilmişdir.
