GÖYÇƏR Сüneyd (1.1.1920, Malatya – 23.12.2009, Ankara) – türk kino vә teatr aktyoru, rejissor. Ankara Dövlәt Konservatoriyasının ali teatr bölmәsini (1942) bitirmiş, orada assistent, müәllim işlәmiş, 1942–47 illәrdә tәdris teatrında çalışmışdır. 1949 ildәn dövlәt teatrında çıxış etmәyә başlamış, bir çox tamaşada oynamışdır: “Antiqona” (1942, Sofokl); “Yuli Sezar” (1942, U.Şekspir), “Meşşan dvoryanlıqda” (1944, J.B.Molyer); “Faust” (İ.V.Göte), “Sәhvlәr komediyası” (1946, U.Şekspir); “Küçәnintini” (1947, Ə.Qüdsi Tecәr), “Sizә elә gәlirsә, elәdir” (1948, L.Pirandello); “Hamlet” (1950, U.Şekspir), “Çayxana” (1951, V.Şneider) vә s. Dövlәt teatr vә operasının direktoru olmuş (1958–78; 1980–83), Ankara Dövlәt Konservatoriyasının teatr bölmәsinә rәhbәrlik etmiş vә prof. adını almışdır (1985). Rej.-u olduğu tamaşalar: “Andorra” (1962, 1972, M.Friş), “Bağdad xatun” (1974, G.Dilmәn), “Tarla quşu idi Juliet” (1976, Ə.Kişon), “Tanrılar vә insanlar” (1978, O.Asena), “Midasın qulaqları” (1978, G.Dilmәn); “Yeddi әrli Hürmüz” (1979, S.Şәndil), “Virciniya Vulfdan kim qorxur”(1986, E.Olbi), “Vәtәn vә Namiq Kamal” (1951), “Barbaros Xeyrәddin paşa” (1951), “Lalә dövrü” (1951), “Nilgün” (1954), “On ikinci gecә” (1964), “Mövlanә” (1973), “Mәktub” (1998) vә s. filmlәrdә çәkilmişdir.
