GÖYƏM (Prunus spinosa) – gülçiçәklilәr fәsilәsinin gavalı cinsindәn kol vә ya ağac. Hünd. 4–8 m (bәzәn 3–4 m) olur. Budaqları tikanlı, yarpaqları tәrsyumurtavarı, ellipsvarıdır. Çiçәklәri yarpaqlardan әvvәl açılır, tәk-tәk, bәzәn qoşadır. Ağ vә ya göyümtül rәng dә, xırda olur. Meyvәsi birçәyirdәkli, girdә, mumörtüklü, qara-göy rәngli, lәti yaşıl, turş, büzüşdürücüdür. Gec (iyul, avqust aylarında) yetişir. Əsasәn, Qәrbi Avropa vә Aralıq dәnizi vә Atlantika okeanı sahillәrindә, Kiçik Asiyada, Şm.-Qәrbi İranda, Şm. Amerikada yayılmışdır. Azәrb.-ın demәk olar ki, bütün zonalarında, xüsusәn Xәzәryanı sahәdә, Böyük Qafqazın ş.-indә vә Kiçik Qafqazda, Lәnkәranın dağlıq hissәsindә bitir. Soyuğa vә quraqlığa davamlı, işıqsevәndir. Quba-Xaçmaz zonasında becәrilir. Meyvәsindә 5,5–8,8% şәkәr (qlükoza, fruktoza), 0,8–2,8% turşu olur. Tәrkibindә aşı maddәsi var; oduncağı ağır vә möhkәmdir; xırda çilingәr işlәrindә istifadә olunur. Yarpaqları da C vitamini ilә zәngindir. Yeyilir, qurudulur, mürәbbә vә kompot, araq, likör, çaxır, sirkә, turşu, lavaşana hazırlanır. Seleksiyada calaqaltı kimi işlәdilir.
Göyәm (Prunus spinosa) ağacı, çiçәyi vә meyvәsi.
