GÖYƏRÇİN, Q ı r d a ğ – Azәrb. Resp. Qaradağ r-nu әrazisindә palçıq vulkanı. Əlәt d.y. st.-ndan 5,6 km şm.-q.-dә yerlәşir. Dәlyanız vә Daşgil vulkanları ilә birlikdә Kiçikdaş d.-nın şm.-ından başlayıb meridian istiqamәtindә uzanan qövsvarı silsilә әmәlә gәtirir. Vulkanın tәpәsindә qaz vә neft pәrdәli palçıq ayıran salz müşahidә edilir. Üzәrindә qismәn bir-birini örtәn iki palçıq dili yerlәşmişdir; krater bәndinin diametri 250–300 m-ә çatır. Vulkanın geol. quruluşunda Mәhsuldar qat, Akçaqıl vә Abşeron mәrtәbәlәrinin süxurları iştirak edir. G. vulkanı şm.-ş.–c.-q. istiqamәtdә uzanan eyniadlı qırışığın şm.-ş. periklinalı hissәsinә uyğun gәlir vә әsas uzununa pozulma ilә әlaqәdardır. Vulkan brekçiyasının yayıldığı sahә 510 ha, orta qalınlığı 40 m-dir.
Göyәrçin palçıq vulkanı.
