GÖYRÜŞ, v ә n, q ә l ә m ә (Fraxinus) – zeytunkimilәr fәsilәsindәn ağac, bәzәn kol cinsi. Hünd. 40 m-әdәk olur. Çәtiri enlidir. Yarpaqları tәklәlәkvarı, qarşı-qarşıya düzülmüşdür. Çiçәklәri xırda, uc, yaxud yan süpürgәlәrdә vә salxımlarda toplanmışdır. Meyvәsi qanadmeyvәdir. Əsasәn, mülayim vә subtropik iqlimli zonalarda 60-dan çox, Azәrb.-da 3–4 növü yayılmışdır. Ən çox yayılanı adi G.-dür (F. Excelsior). Aprel-may aylarında çiçәklәyir. Çiçәklәri ikicinsiyyәtli vә ayrıcinsiyyәtlidir. Külәklә vә cücülәrlә tozlanır. Tez böyüyәn ağacdır. Odun cağı möhkәm, elastik, gecçatlayan, gözәl naxışlıdır; vaqon vә maşınqayırma, aviasiya, gәmiqayırma sәnayesindә, mebel, xizәk, tәkәr çәnbәri hazırlanmasında istifadә olunur. Mancuriya G.-ü, çiçәk G.-ü vә Çin G.-ü növlәri dә mәlumdur.
Adi goyruş (Fraxinus excelsior), cicәyi vә meyvәsi.
