GÖYZƏBAN (Boraqo) – göyzәbankimilәr fәsilәsindәn birillik tәrәvәz vә çoxillik çölalaq bitki cinsi. Yabanı halda Aralıq dәnizi ölkәlәrindә vә Cәnubi Amerikada bitir. Dәrman G.-ı (B. officinalis) monotip cinsin bir növüdür. Gövdәsi düzduran, tüklәnmiş, çoxbudaqlıdır (hünd. 20–70 sm). Yarpaqları iri, oval, tüklü, şirәlidir, tәr xiyar dadı vә әtri verir. Çiçәklәri iri, mavi, bәzәn ağ olub, qal xanvarı–süpürgәvarı dağınıq çiçәk qrupun da toplanmışdır. Meyvәsi tünd-qәhvәyi fındıqcadır (uz. 5 mm-әdәk). Yarpaqlarının tәrkibindә C vitamini vә karotin var; salatlarda vә s. yemәklәrdә xiyarı әvәz edir, yaşıl halda istifadә edilir. Çiçәklәri tәzә vә qurudulmuş halda qәnnadı vә likör-araq sәnayesi sahәlәrindә, yağı vә toxumu tibdә vә әtriyyatda istifadә olunur; G. torpağın tәrkibinә vә münbitliyinә tәlәbkar deyil, nisbәtәn quraqlığa vә şaxtayadavamlıdır. Əsasәn, hәvәskar tәsәrrüfatlarında becәrilir. 6 sortu var. Balverәndir. Toxumlarla, kökümsovun bölünmәsi ilә çoxaldılır.
Dәrman goyzәbanı (Borago officinalis).
