GÖZƏLOV Füzuli Xeyrulla oğlu (F ü z u l i B a y a t) (d 28.4.1958, Masallı r-nunun, Xırmandalı k.) – Azәrb. әdәbiyyatşünası. Filologiya e.d. (1997), prof. (2016). Azәrb. Pedaqoji Xarici Dillәr Un-tini bitirmişdir (1984). Azәrb. EA-nın Nizami ad. Ədәbiyyat İn-tun da elmi işçi, böyük elmi işçi, şöbәsi müdiri (1990–96), Yazıçılar Birliyi nәzdindә “Kitabi-Dәdә Qorqud Ensiklopediyası” qrupunda baş redaktorun müavini (1996–99) vәzifәlәrindә çalışmışdır. Türkiyәnin Qaziantep Un-tindә dәrs demiş (1999–2008), AMEA Folklor İn-tunda aparıcı elmi işçi işlәmiş (2003–11), 2012 ildәn müasir folklor şöbәsinin müdiridir. Tәdqiqatları, әsasәn, mifologiyaya, tәsәvvüf әdәbiyyatına vә türk xalqlarının folkloruna hәsr olunmuşdur. 180-dәn çox elmi әsәrin, o cümlәdәn 40 kitabın müәllifidir. Bir sıra xarici ölkәdә elmi mәruzәlәrlә çıxış etmişdir.
Ə s ә r l ә r i: Oğuz epik әnәnәsi vә Oğuz Kağan dastanı. B., 1993; Xoca Əhmәd Yәsәvi vә xalq sufizminin bәzi problemlәri, B., 1997; Türk tәkyә (tәsәvvüf) әdәbiyyatı. B., 2011; Türk kültüründen deli ve delilik. İstanbul. 2018.
