GÖZOTU, ç a t ı l o t u (Euphrasia) – keçiqulağı fәsilәsindәn (bәzәn kәhrәkimilәr fәsilәsinә aid edilir) bitki cinsi. Çәmәn taxıl otlarının vә cillәrin köklәrindә olan kök sorucularının (haustorilәrin) kömәyilә suyu vә mineral maddәlәri alan çox hündür olmayan yarımparazit otlar, bәzәn dә yarım kollardır. Yarpaqları qarşı-qarşıya düzülmüş, kiçik, mәsamәli, yaşıl, fotosintez edicidir. İkidodaqlı çiçәklәri, adәtәn, göyümtül-ağ, bәzәn qırmızı, yaxud bәnövşәyi olur; әsnәkdә çox vaxt tozlayıcı-cücülәrә nektarlığın yolunu göstәrәn uzunsov, rәngli nişanlar görünür; yarpaqla örtülmüş salxımşәkilli, yaxud sünbülşәkilli tәpә çiçәk qrupunda toplanmış, bәzәn tәk-tәk yerlәşir. Meyvәlәri kiçik qutucuqlardır. Əsasәn, şm. yarımkürәsinin mülayim zonasında yayılmış tәqr. 450-yәdәk növü mәlumdur; növarası dimorfizmә malikdir. Azәrb.-da 10 növü var. Dәrman G. (E. officinalis) vә ona yaxın növlәrin tәrkibindә aukubin, efir yağı, acılıq, boyayıcı vә aşılayıcı maddәlәr var. Homeopatiyada istifadә edilir. Cövhәri xalq tәbabәtindә blefarit, konyunktivit kimi göz xәstәliklәrinin müalicәsindә tәtbiq olunur.
Dәrman gözotu (Euphrasia officinalis).
