GÜL KƏLƏM (Brassica cauliflora) – xaç çiçәklilәr fәsilәsindәn birillik tәrәvәz bitkisi. Vәtәni Aralıq dәnizi ölkәlәridir. Şәklini dәyişmiş çiçәk qruplarından ibarәt başcığından istifadә olunur. Silindrşәkilli әsas gövdәsinin hünd. 15–70 sm-dir. Yarpaqları bütöv, yarımoval şәkilli, yaxud lansetvarı, oturaq, ya da saplaqlı olur. Rәngi açıq-yaşıldan maviyәdәk, mum örtüklüdür. 20–30 yarpaqdan ibarәt rozetin әmәlә gәlmәsindәn sonra çiçәk qrupu formalaşır. Çiçәklәri açıq-sarı, yaxud sarı lәçәkli olub diametri 1,5–2,5 sm-dir. 2 yarımnövü var: daha sadә formaların birlәşdiyi simpleks (Ssp. simplex) vә ağ, yaxud sarımtıl sıx başcığı olan abortiva (Ssp. abortiva). Tәqr. 10 sortu r-nlaşdırılmışdır. Tezyetişәn (vegetasiya dövrü 80–100 gün), ortayetişәn (vegetasiya dövrü (90–120 gün) vә gecyetişәn sortları var. Tәrkibi çoxlu vitamin vә mineral duzlar, zülal, şәkәr vә s. ilә zәngindir. Ürәk-damar vә mәdә-bağırsaq xәstәliklәri zamanı çox faydalıdır.
Gül kәlәm (Brassica cauliflora).
