GÜLƏBƏTİN (Pulsatilla) – qaymaqçi çәklilәr fәsilәsindәn bitki cinsi. Yoğun kökümsovu qismәn şaxәlәnmiş çoxillik otlardır. Govdәsi (hünd. 45 sm-әdәk) birçiçәkli, dikdurandır, ensiz dilimlәrә bölünmüş üçyarpaqlı örtüyü, hәmçinin kökyanı yarpaq rozeti var. Çiçәklәri hәmişә tәk, iri, çox vaxt zınqırovvarı vә sallaq olur, yarpaqlardan әvvәl, yaxud onlarla birlikdә açır. Sadә çiçәkyanlığı müxtәlif rәngli yar paqcıqlardan (ağ vә sarıdan tünd bәnövşәyiyәdәk) ibarәt olub, xaricdәn sıx tükcüklәrlә örtülmüşdür. Meyvәlәri uzun buruncuqlu fındıqvarı meyvәciklәrdir. 40-a yaxın növü var, Şimal yarımkürәsinin tropik vә arktik hissәlәrindәn başqa digәr sahәlәrdә yayılmışdır. Azәrb.-da 3 növü var; 2 növü zәhәrlidir, tәrkibindә ranunkulin qlikozidi var. Yarpaqlarından alınan cövhәr bakterisid vә fungisid xüsusiyyәtlәrә malikdir. G. cinsinә aid növlәrin әksәriyyәti zәhәrli olub, hәm dә dәrman bitkilәridir; ot hissәsinin tәrkibindә anemonin, saponin, fitonsid, aşı maddәlәri vә qәtran var. G.-in bir çox növlәri dekorativ bitki kimi alp tәpәciklәrindә vә daşlı bağlarda becәrilir.
Adi gulәbәtin (Pulsatilla vulgaris).
