GÜLƏHMƏDOV Əbdülrәhman Niyaz oğlu (25.8.1908, Gürc.-ın Axalkalaki r-nunun Kokiya k. – 13.02.1989, Bakı) – Azәrb. aqrokimyaçısı. Azәrb. SSR Dövlәt mük. laureatı (1978). Azәrb. SSR EA-nın m. üzvü (1976). K.t.e.d. (1961), prof. (1963). Gәncә Kәnd Tәsәrrüfatı Texnikumunun aqronomluq şöbәsini. 1932 ildә K.A.Timiryazev ad. Moskva Kәnd Tәsәrrüfatı Akademiyasını bitirmişdir. 1932 ildәn Azәrb. SSR Pambıqçılıq İn-tunda torpaqşünaslıq vә aqrokimya bölmәsinә rәhbәrlik etmişdir. 1956 ildә Azәrb. SSR EA Torpaqşünaslıq vә Aqrokimya İn-tunda mikroelementlәr şöbәsinin rәhbәri olmuşdur. Azәrb.-ın pambıqçılıq zonası torpaqlarının azot, fosfor vә kaliumla tәmin olunması kartoqramının, torpaq-aqrokimya xәritәlәrinin ilk tәrtibatçısıdır (1935). Tәdqiqatları çoxillik çöl tәcrübәlәri vә aqrokimyәvi göstәricilәr әsasında pambıq bitkisi üçün sәmәrәli gübrә normasının müәyyәnlәşdirilmәsinә, mineral gübrәlәrin tәtbiqinә hәsr edilmişdir. Resp. torpaqlarında mühüm mikroelementlәrin ümumi vә mәnimsәnilәn formalarının miqdarını ilk dәfә tәyin etmiş vә 12 elementin torpaq qatlarında ehtiyatını xәritәlәşdirәrәk, onların miqrasiya vә akkumulyasiyası proseslәrini aydınlaşdırmışdır. O, resp.-da biokimyәvi reaksiyaların aşkar edilmәsi sahәsindәki tәdqiqatların banisidir. G. biogeokimyәvi әyalәtlәri xәritәlәşdirmiş, tәbii radioaktiv elementlәrin torpaqda vә bitkidә yayılmasını ilk dәfә elmi surәtdә öyrәnmişdir. O. bir sıra yeni orijinal tәdqiqat metodlarının müәllifidir. G. yeni növ gübrәlәrin (7 növ polimikrogübrә) istehsal texnologiyasını hazırlamışdır. 225-dәn artıq elmi әsәrin, o cümlәdәn 3 monoqrafiya, 6 kitab, 15 müәlliflik şәhadәtnamәsi, 10-dәk sәmәrәlәşdirici tәklifin müәllifidi. Kadr hazırlığında xidmәti var.
Ə s ә r l ә r i: Azәrbaycanın pambıq zonası torpaqlarında mikroelementlәr vә onların pambıq mәhsuluna tәsiri, B., 1961; Mikroelementlәrin pambıq bitkisinin mәhsuldarlığına tәsiri, B.,1963; Azәrbaycan torpaqlarında mikroelementlәr vә onların bitkiçilikdә faydası, B., 1970.
