GÜLHÜSEYN HÜSEYNOĞLU A b d u l l a y e v (16.10.1923, Masallı r-nunun Mollaoba k. – 8.7.2013, Bakı) – Azәrb. yazıçısı, әdәbiyyatşünas. Filologiya e.d., prof. (1988). Azәrb. Resp.-nın xalq yazıçısı (2005). Azәrb. Dövlәt Un-tinin (indiki BDU) filologiya fakültәsini bitirmişdir (1947). Azәrb.-ın müstәqilliyi uğrunda mübarizә mәqsәdilә gizli tәşkilatın (“İldırım”) yaradıcılarından biri kimi 1948 ildә hәbs olunmuş, 1956 ildә bәraәt almışdır. 1957–2013 illәrdә BDU-nun filologiya fakültәsinin klassik Azәrb. әdәbiyyatı kafedrasında müәllim, baş müәllim, müasir Azәrb. әdәbiyyatı kafedrasında dosent, prof. vәzifәlәrindә çalışmışdır. “Ana”adlı ilk hekayәsini 1944 ildә yazmışdır. Daha çox mәnsur şeirlәr müәllifi kimi tanınmış G.H.-nun “Bәnövşә әfsanәsi” adlı ilk mәnsur şeiri 1946 ildә çap olunmuşdur. “Xәzәrin qoynunda” (1957), “Etiraf” (1961), “Mәnsur şeirlәr” (1964), “İnsan” (1968), “Gözәl” (1970), “Mücrü” (1972), “Ömrümüz boyu” (1978), “Çәtin yol” (1987), “Mәhәbbәtdirmi bu” (1996) vә s. kitablarındakı mәnsur şeir, povest, hekayә vә oçerklәrdә müasiri olan insanların mәnәvi alәmi әksini tapmışdır. M.Müşfiq haqqında ilk monoqrafiyanın (1968) müәllifidir. Bәzi әsәrlәri bir sıra dillәrә tәrcümә olunmuşdur.
Ə s ә r l ә r i: Seçilmiş әsәrlәri. 2 cilddә.B., 1993; Mikayıl Müşfiq. B., 1999.
