GÜNƏBAXAN ODLUCASI, g ü n ә b a x a n g ü v ә s i (Homoeosomane bulellum) – odlucalar fәsilәsindәn kәpәnәk; günәbaxanın tәhlükәli zәrәvericisi. Hәmçinin saflor vә astranı zәdәlәyir. Açılmış halda qanadlarının uz. 20–27 mm-dir; ön qanadlarının kәnarları açıq rәngli olub sarımtıl-boz vә 2 tünd cizgili, arxa qanadları yarım şәffafdır. Şimaldan başqa Avrasiyanın hәr yerindә yayılmışdır. Kәpәnәklәr günәbaxanın çiçәklәmәsinin әvvәllәrindә çıxır, alaqaranlıqda uçur, mürәkkәbçiçәkli bitkilәrin çiçәk nektarı ilә qidalanır. Tozcuq halqalarının daxili divarlarına, çiçәk tacına vә bәzәn mürәkkәbçiçәklilәrin borulu vә dilcikli çiçәklәri üzәrinә tәk-tәk yumurta qoyur. 200–300 yumurta qoya bilir. İlk iki yaşda tırtıllar tozcuq, çiçәk hissәciklәri, üçüncü yaşdan isә toxumcaların içi (lәpәsi) ilә (çox vaxt bunların içini tamamilә yeyirlәr), zәdәlәnmiş hissәlәri torla hörәrәk sәbәtcik qınının kәnarları vә onun dibinin әtli hissәsi ilә qidalanır. Sәbәtciklәr çirklәnmiş şәkil alır, yağışlı havada çürüyür. G.-ın mәhsuldarlığı azalır. Mübarizә tәdbirlәri: günәbaxanın davamlı sortlarını әkmәk.
Günәbaxan odlucası (Homoeosoma nebulella).
