GÜNƏŞ SAATI – vaxtın Günәşә nәzәrәn tәyini üçün cihaz; bölgülәri olan siferblatdan vә onun üzәrinә kölgә salan nazik şaquli lövhә, yaxud mildәn ibarәtdir. Siferblat müstәvisinin yerlәşmәsindәn asılı olaraq ekvatorial (siferblat müstәvisi sәma ekvatoru müstәvisinә paraleldir), üfüqi (siferblat üfüqidir) vә şaquli (adәtәn, müxtәlif tikililәrin divarında yerlәşdirilir) G.s. olur. Bütün G.s.-larında kölgә salan mil, yaxud lövhәnin kәnarı Yer oxuna paralel istiqamәtlәnmişdir. Lövhәnin (milin) siferblata düşәn kölgәsinin vәziyyәti hәqiqi Günәş vaxtını göstәrir. Buna vaxt tәnliyini әlavә etdikdә orta Günәş vaxtı alınır. Xәtası bir neçә dәqiqәdir. G.s. bәşәriyyәt tarixindә ilk saatdır vә e.ә. 3-cü minillikdә mәlum idi. 20 әsrdәn dekorativ mәqsәdlә (mәs., bağların, parkların bәzәdilmәsi üçün) istifadә olunur, tarixi yerlәrdә rekonstruksiya edilir.
Günәş saatı. Qdansk (Polşa).
