GÜNOTU (Hemerocallis) – günotukimilәr fәsilәsindәn bitki cinsi. Avrasiyanın mülayim iqlimli zonalarında 20 növü bitir. Qısakökümsovlu ot, yaxud stolonşәkilli (çox vaxt yoğunlaşmış ehtiyat koklü) çoxillik bitkilәrdır. Paralel, yaxud qılıncşәkilli yarpaqları, adәtәn, sıx kökyanı rozetdә toplanmışdır. Çiçәklәri iri, qıfvarı, sadә, yaxud mәxmәri, qırmızı, sarı, narıncı, qırmızımtılqәhvәyi, yarpaqsız çiçәkdaşıyanların tәpәsindә (hünd. 60–120 sm), 10–40 әdәd olmaqla, başcıqvarı vә süpürgәvarı çiçәk qrupunda toplanmışdır. Çiçәklәri yalnız günәşli havada açır vә hәr biri cәmi bir gün çiçәklәyir (adı da buradandır). G. kölgәyәdavamlı, qışadavamlıdır vә torpağın tәrkibinә az tәlәbkardır. Çoxsaylı sortları vә formaları olan kürәn G. (H. fulva), açıq-sarı G. (H. citrina) vә b. dekorativ bitki kimi açıq qruntlarda becәrilir, onlardan qrup әkinlәrindә, miksborderalarda vә kәsilmәk üçün istifadә edilir. Kolların bölünmәsi ilә çoxaldılır. Azәrb.-da bir növü olan kürәn G. Şuşa, Xankәndi, Naxçıvan vә Lәnkәran bölgәlәrindә bitir.
Kürәn günotu (Hemerocallis fulva).
