GÜRSEL Camal (13.10.1895, Ərzurum – 14.9.1966, Ankara) – Türkiyә hәrbi, siyasi vә dövlәt xadimi, general. Hәrbi xidmәtә zabit (leytenant) kimi (1914, 16 oktyabr) başlamışdır. Birinci dünya müharibәsindә (1914–18) Suriya vә Misirdә döyüşmüş, әsir düşmüşdür. Azadlığa çıxdıqdan (1918) sonra türk xalqının ingilisyunan müdaxilәçilәrinә qarşı mübarizәsindә (1919–22) iştirak etmişdir. 1923 ildәn rәhbәr hәrbi vәzifәlәrdә olmuş, Baş qәrargahda işlәmişdir. Türkiyә hәrbi kollecini bitirmişdir (1929). 1958 ildә Türkiyә quru qoşunları komandanı tәyin edilmiş, 1960 ildә Ə.Menderes hökumәtinin siyasәti ilә razılaşmadığına görә, istefaya çıxmışdır. 1960 il mayın 27-dә hәrbi çevrilişi dәstәklәmiş vә hakimiyyәtә gәlәn Milli Birlik Komitәsinin rәhbәri, 1961 il oktyabrın sonuna kimi dövlәt vә hökumәt başçısı, eyni zamanda Türkiyә Silahlı Qüvvәlәrinin komandanı olmuşdur. 1961–66 illәrdә Türkiyәnin prezidenti idi. Ağır xәstәlik sәbәbindәn parlament tәrәfindәn vәzifәsindәn azad edilmişdir (1966, 28 mart). Mәqbәrәsi Ankarada Anıtqәbir Dövlәt Qәbiristanlığındadır.
