HAAS Vander Yohannes de (2.3.1878, Niderland, Lisse–26.4.1960, Niderland, Bilthoven) – Niderland fiziki, Niderland EA hәqiqi üzvü (1922). 1912 ildә mәşhur fizik H.Kamerlinq-Onnesin rәhbәrliyi ilә doktorluq dissertasiyası müdafiә etmişdir. Leyden, Berlin, Potsdamda çalışmışdır (1895–1917), Delftdә Ali texniki mәktәbin (1917–1922), Qroningen Un-tinin (1922–1924), Leyden Un-tinin (1924–1948) prof.-u vә H.Kamerlinq-Onnes ad. kriogen laboratoriyasının direktoru olmuşdur. Elmi işlәri aşağı temp-r vә ifratkeçiricilәr fizikasına hәsr olunmuşdur. Aşağı temp-rlarda effektlәri, maqnetiklәrin ifratkeçiriciyini tәdqiq etmiş, öz dövrü üçün rekord aşağı temp-r (0,0002 K) almağa nail olmuşdur. 1915 ildә A.Eynşteynlә birlikdә Eynşteyn – de Haas effektini, 1930 ildә L.V.Şubnikovla birlikdә Şubnikov – de Haas effektini vә 1931 ildә H. van Alfvenlә birlikdә de Haas – van Alfven effektini kәşf etmişdir.
