HACIBƏYOV Soltan İsmayıl oğlu (8.5. 1919, Şuşa – 19.9.1974, Bakı) – Azәrb. bәstәkarı, pedaqoq. SSRİ xalq artisti (1973). SSRİ Dövlәt mükafatı laureatı (1952). Azәrb. SSR Dövlәt mükafatı laureatı (1970). Ü.Hacıbәylinin әmisi nәvәsidir. 1946 ildә Azәrb. Dövlәt Konservatoriyasının bәstәkarlıq şöbәsini bitirmiş, burada Ü.Hacıbәyli, B.İ.Zeydman vә b.-ndan dәrs almışdır. Bәs tәkar kimi formalaşmasın da Ü.Hacıbәyli böyük rol oynamışdır. 1947 ildә Moskva konservatoriyasında D.D.Şosta koviçin sinfindә tәcrübә keçmişdir. O, Azәrb. Musiqili Komediya Teatrının dirijoru (1938–40), Sazçı qızlar ansamblının (1940–42) vә Azәrb. Dövlәt Filarmoniyasının (1948–58; 1955–62 illәrdә direktoru) bәdii rәhbәri, Azәrb. Bәstәkarlar İttifaqı İdarә Heyәtinin katibi (1953–68) vә SSRİ Bәstәkarlar İttifaqı İdarә Heyәtinin üzvü (1958 ildәn) olmuşdur. H. 1948 ildәn Azәrb. Dövlәt Konservatori yasında pedaqoji fәaliyyәt göstәrmişdir (1964 ildәn prof., 1969–74 illәrdә rektor). Bәstәkarın yaradıcılığında simfonik musiqi janrı әsas yer tutmuşdur. Onun 1-ci (1944; ilk Azәrb. simfoniyala rından biri) vә 2-ci (1946) simfoniyaları Böyük Vәtәn müharibәsi mövzusundadır. “Karvan” simfonik lövhәsinin (1945; Ü.Hacı bәyliyә ithaf edilmişdir), ork. üçün uvertüra (1956) vә konsertin (1964), “Gülşәn” (1950) baletinin, hәmçinin “Qızılgül” (1939, ilk tamaşası 1940) musiqili komediyasının, uşaqlar üçün “İsgәndәr vә çoban” (1947) operasının, xalq çalğı alәtlәri (“Bolqar süitası”, 1957) vә böyük simfonik ork. (“Hindistan lövhәlәri”, 1964) üçün әsәrlәrin, bir sıra mahnı vә romansların, dram tamaşalarına (“Yaşar”, “Aydın”, C.Cabbarlı; “Kәndçi qızı”, M.İbrahimov; “İnsan”, S.Vurğun; “Əliqulu evlәnir”, S.Rәhman; “Alov”, M.Hüseyn; “Eşq vә intiqam”, S.S. Axundov; “Qatır Mәmmәd”, Z.Xәlil) musiqinin müәllifidir. Bir sıra әsәri müxtәlif ölkәlәrdә ifa olunmuşdur. Qırmızı Əmәk Bayrağı ordeni ilә tәltif edilmişdir.
Əd.: T a ğ ı z a d ә A. Soltan Hacıbәyov. B., 1967; y e n ә o n u n , Султан Гаджибеков. B., 1985.
