HACIBƏYOVA Ülviyyә Vaqif qızı (d.9.6.1960, Bakı) – Azәrb. pianoçusu. Azәrb. Resp. xalq artisti (2018), әmәkdar incәsәnәt xadimi (2007). 1983 ildә Azәrb. Dövlәt Konservatoriyasını (indiki BMA, R . A t a k i ş i y e v i n sinfini) bitirmiş, elә hәmin ildәn orada çalışır (2011 ildәn prof.). Bakıdakı Kapelhaus konsert salonunda 50-yәdәk konsertin hәm ifaçı kimi iştirakçısı, hәm dә rәhbәri olmuşdur. Qafqaz ölkәlәri, İtaliya, Türkiyә vә Rusiyanın bir çox şәhәrindә solo konsert proqramı ilә çıxış etmişdir. H. alman musiqisindәn ibarәt “İthaf” disk yazısının, “Hacıbәyovların musiqi dünyası”, “Azәrbaycan bәstәkarlarının arxivdәn tapılmış әsәrlәri”nin, 15 diskdәn ibarәt “Azәrbaycan bәstәkarlarının әsәrlәrinin antologiyası”nın ifaçısı, eyni zamanda antologiyanın 3 cildlik not kitablarının tәrtibçi redaktorudur. H. “Sәnәt fәdailәri”, “Hacıbәyovların musiqi dünyası”, “Xalq dastanları Azәrbaycan bәstәkarlarının opera yaradıcılığında”, “İsmayıl Hacıbәyov” vә s. kitabların müәllifidir.
