HACIYEV Akif Cәfәr oğlu (8.12.1937, Bakı – 3.2.2015, Bakı) – Azәrb. riyaziyyatçısı, AMEA-nın akad. (2001; m.üzv 1989). Əmәkdar elm xadimi (2005). AMEA Fizika-Riyaziyyat vә Texnika Elmlәri Bölmәsinin akademik katibi (2001), AMEA Riyaziyyat vә Mexanika İn-tunun direktoru (2004–13), AMEAnın vitse prezidenti (2013) olmuşdur. Azәrb. Dövlәt Un-tini bitirmişdir (1960). Hәmin ildәn AMEA-nın Riyaziyyat vә Mexanika İntunun funksiyalar nәzәriyyәsi şöbәsindә kiçik elmi işçi, elmi katib (1961–67), şöbә müdiri (1978–92) işlәmişdir. Ankara Untindә prof. kimi fәaliyyәt göstәrmişdir (1992–99). Harmonik analizin yaxınlaşmalar nәzәriyyәsindә, çox ölçülü sinqulyar inteqrallar nәzәriyyәsindә fundamental hәllәr almışdır: çәkili fәzalarda xәtti müsbәt operatorlu qeyri-mәhdud kәsilmәz funksiyaların yaxınlaşmaları mәsәlәlәrini hәll etmişdir; diferensial operatorlar üçün Bernşteyn tipli bәrabәrsizliklәr qurmuşdur; çoxölçülü sinqulyar inteqralların simvollarının hamarlıq xassәlәrinin Bessel potensiallar fәzası vә sfera üzәrindәki Hardi fәzası ölçüsündә dәqiq tәsvirini vermiş vә bununla da 1938 ildәn hәlli tapılmayan mәsәlәnin yekun hәlli verilmişdir. 100-ә qәdәr elmi әsәrin müәllifidir. Elmi kadrların hazırlanmasıda xidmәti var. Şöhrәt ordeni ilә tәltif olunmuşdur (2004).
