HACIYEV Altay Əmir oğlu (2.4.1931, Bakı–12.2.2019, Bakı) – Azәrb. rәssamı, qrafik vә boyakar. Azәrb. Resp. xalq rәssamı (2002). Ə.Əzimzadә ad. Azәrb. Rәssamlıq Mәktәbini (1950) vә Kiyev Dövlәt Rәssamlıq İn-tunu (1959) bitirmişdir. 1965–72 illәrdә Azәrb. Dövlәt Nәşriyyat, Poliqrafiya vә Kitab Ticarәti İşlәri Komitәsinin baş rәssamı olmuş, 100-dәn artıq kitaba (İ.Nәsimi, M.P.Vaqif, X.Natәvan, M.Ə. Sabir, A.Sәhhәt vә b.-nın әsәrlәri, “Koroğlu” dastanı – Moskvada XTNS-nin gümüş medalı; M.Y.Lermontovun “Aşıq Qәrib” poeması vә s.). illüstrasiyalar çәkmiş vә bәdii tәrtibat vermişdir. H.-in dәzgah qrafikasının müxtәlif janrlarında (litoqrafiya, linoqravüra, ofort) yaratdığı әsәrlәr aydın ifadәliliyi, monumentallığı vә kompozisiya tamlığı ilә fәrqlәnir: “Yeni Bakıda”, (1961), “Xәzәr” (1963), “Sәma sakitdir” (1965), “Doğma tәranәlәr” (1968; hamısı Azәrb. Milli İncәsәnәt Muzeyindәdir), “Azәrbaycan milli әşyaları” silsilәsi (1980; silsilәyә aid 2 әsәr Moskvada Tretyakov qalereyasında, 3 әsәr Almaniyada şәxsi kolleksiyadadır), “Üzümçülük” (triptix, Polşa Müasir Sәnәt Qalereyası, Varşava) vә s. H. monumental-dekorativ sәnәt vә boyakarlıq sahәlәrindә dә (Azәrbaycan neftinin tarixi mövzusunda 5 vitraj (1990–97) sәmәrәli fәaliyyәt göstәrmişdir: “Tomris”, “Mәshәti Gәncәvi”, “Sara xatın”, “Tuti Bikә”, “Xurşudbanu Natәvan” vә s. rәngkarlıq әsәrlәrindәn ibarәt “Xalqımızın ulduzları” silsilәsi. Bakıda fәrdi sәrgilәri keçirilmişdir (1987, 1991, 2001).
Əd.: N ә c ә f o v M. Altay Hacıyev. B., 1974.
