HACIYEV Çingiz Mәmmәd oğlu (d. 29.11.1958, Kәlbәcәr ş.) – avtomatik idarәetmә sistemlәri vә informasiya-ölçmә texnikası sahәsindә Azәrb. alimi, texnika e.d. (1993). Moskva Aviasiya İn-tunu bitirmişdir (1981). 1981 ildә әmәk fәaliyyәtinә hәmin in-tda başlamışdır. 1986–95 illәrdә “Neft qazavtomat” Azәrb. EİB-dә elmi işçi, baş elmi işçi, şöbә müdirinin müavini, laboratoriya müdiri olmuşdur. 1995–96 illәr dә AMEA Kibernetika İn-tunda aparıcı elmi işçi, AzTU-da prof. vәzifәsindә çalışmışdır. 1996 ildәn İstanbul Texniki Un-tinin “Aeronavtika” kafedrasında prof. vәzifәsindә işlәyir. Tәdqiqatları dinamik sistemlәrin riyazi modellәrinin identifikasiyası, Kalman süzmә nәzәriyyәsi, inteqrasiya olunmuş naviqasiya sistemlәri, süni peyklәrin oriyentasiyasının tәyini vә avtomatik idarә olunması, uçuş aparatlarının texniki diaqnostikası, sıradançıxmalara qarşı dayanıqlı olan uçuşun avtomatik idarә etmә sistemlәri sahәsindәdir. 400-dәn çox elmi әsәrin, o cümlәdәn bir neçә monoqrafiyanın müәllifidir. Elmi kadrların hazırlanmasında xidmәti var. Beynәlxalq konfranslarda mәruzә ilә çıxış etmişdir.
Ə s ә r l ә r i: Информационнoе обеспечение контроля и управления морскими плавучими платформами. Б., 1996; Kalman Filter Based Integrated Air Data/GPS Navigation System (T. Mutlu ilә birgә). Germany, 2012.
