HACIYEV Əlif Lәtif oğlu (24.6.1953, Xocalı – 25.2.1992, Xocalı) – Azәrb.-ın Milli Qәhrәmanı (ölümündәn sonra, 5.6. 1992). Xankәndi ş.-ndә OADKYC nәzdindә 2 illik avtomobil mәktәbini bitirәrәk (1971) sürücülük peşәsinә yiyәlәnmişdir. 1971–73 illәrdә Minsk ş.-ndә hәrbi xidmәtdә olmuşdur. Ordudan tәrxis edildikdәn sonra Xankәndi Avtonәqliyyat müәssiәsindә sürücü işlәmişdir. 1974–84 illәrdә Bel.SSR vә Azәrb. SSR (Dağlıq Qarabağ Muxtar Vilayәtindә) daxili işlәr orqanlarında müxtәlif vәzifәlәrdә çalışmışdır. SSRİ DİN-in M.Frunze ad. Xüsusi Orta Milis Mәktәbindә qiyabi tәhsil (1976–79) almışdır. Brest ş.-ndә daxili işlәr idarәsindә (Dİİ) cinayәt axtarışı üzrә әmәliyyat müvәkkili, Baranoviçidә cinayәt axtarışı şöbә rәisinin müavini, SSRİ DİN-in istintaq-әmәliyyat qrupunun tәrkibindә Severo dvinsk ş.-ndә işlәmişdir (1979–81). 1981 ildә SSRİ DİN Leninqrad (indiki Sankt-Peterburq) Akademiyasının qiyabi şöbәrinә daxil olmuş, 1982 ildә Azәrb.-a gәldikdәn sonra tәhsilini Akademiyanın Rostov filialında davam etdirmişdir. 1983 ildәn DQMV Dİİ-ndә xidmәtә başlamışdır. 1984 ilin oktyabrınadәk Əsgәran RDİŞ-in Ballıca k.-ndә sahә inspektoru vәzifәsindә çalışan milis baş leytenantı H.-i ermәni millәtçilәri saxta ittihamlarla lәkәlәyәrәk onun hәbsinә nail olmuşlar. Əsl sәbәb isә H.-in DQMV-dә uzun müddәt fәaliyyәt göstәrәn gizli millәtçi ermәni mәrkәzini ifşa etmәk cәhdi vә bu haqda Azәrb. SSR rәhbәrliyinә mәlumat vermәsi idi. 1984 il oktyabrın 15-dә H. 10 il hәbs cәzasına mәhkum olunmuşdur. Cәzasını çәkmәk üçün әvvәlcә Rusiyanın Nijni Tagil, sonra isә Sverdlovsk (indiki Yekaterinburq) ş.-nә göndәrilmişdi. Haqsız hәbs edildiyinә dair Azәrb. SSR Prokurorluğuna şikayәt әrizәsi ilә müraciәt etdikdәn sonra H.-in işinә yenidәn (1987) baxılmış, 10 illik hәbs cәzası 6 ilә endirilmişdi. 1990 il sentyabrın 5-dә rәsmi bәraәt alan H. Xocalıya qayıtmış vә milis orqanlarındakı vәzifәsinә bәrpa olunmuşdu. 1990 il dekabrın 21-dә H. Xocalı aeroportu Xәtt Dİİ bölmәsinin rәisi tәyin edilmiş, ona hәmçinin Xocalı aeroportunun komendantı vәzifәsi tapşırılmış, milis mayoru rütbәsi (1991) verilmişdir. Rәis işlәdiyi müddәtdә bir ermәni millәtçisi belә Xankәndinә silah gәtirә bilmәmişdir. H. Xocalının vәziyyәti haqqında tez-tez Bakıya mәlumat verirdi. 1992 il fevralın 25-dәn 26-na keçәn gecә Xocalı soyqırımı zamanı H. öz silahdaşları ilә birlikdә ermәni-rus hәrbçilәrinә qarşı vuruşmuşdur. H. aeroportdan çıxmazdan әvvәl düşmәnin әlinә keçmәsin deyә, dispetçer mәntәqәsini partlatmış, öz dәstәsi ilә camaatın xeyli hissәsini düşmәn mühasirәsindәn çıxararaq Ağdamın Şelli k.-nә tәrәf tәhlükәsiz yerә aparmış vә yenidәn döyüşә qayıtmışdır. Qeyri-bәrabәr döyüşdә mühasirәyә düşәn H. qәhrәmancasına hәlak olmuşdur. Bakıda Şәhidlәr xiyabanında dәfn edilmişdir. Adına gәmi, Bakının Nizami r-nunda orta mәktәb vә küçә var.
