HACIYEV Fikrәt Əli oğlu (19.5.1964, Goranboy r-nu, Qızılhacılı k. – 4.5.1992, Goranboy r-nu, Talış k.) – Azәrb.-ın Milli Qәhrәmanı (ölümündәn sonra, 7.6.1992). Gәncәdә texnikipeşә mәktәbindә tәhsil almış (1978), elektrik ixtisasına yiyәlәnmişdir. 1982 ildә hәrbi xidmәtә çağırılmış, xidmәtini Ufa ş.-ndә keçirmişdir. Tәrxis olunduqdan sonra Bakı Kooperativ Texnikimunu bitirmiş vә kәndlәrinә qayıdaraq öz ixtisası üzrә işlәmişdir. 1991 ilin sonunda könüllü olaraq cәbhәyә getmiş, Goranboy özünümüdafiә batalyonunun tәrkibindә Şәfәq, Zeyvә, Qara çinar vә digәr mәntәqәlәrin ermәni quldurlarından müdafiәsindә fәal iştirak etmişdir. 1992 ildә Talış k.-ndә yerlәşәn ermәni mövqelәri“Yaltaxıl” adlanan әrazidәki döyüş zamanı Goranboy әsgәrlәri tәrәfindәn susdurulmuşdu. Yenidәn qәfil hücuma keçәn ermәnilәrlә döyüşdә H. qәhrәmancasına şәhid olmuşdur. Qızılhacılı k. qәbiristanlığında dәfn edilmişdir. Ballıqaya kәnd orta mәktәbi qәhrәmanın adını daşıyır. Goranboy ş.-ndә büstü qoyulmuşdur.
