HACIYEV Telman Muxtar oğlu (d.2.2.1937, Bakı) – Azәrb. musiqiçisi, fleytaçalan. Fәlsәfә e.d. (1984), prof. (1990). Azәrb. Resp. әmәkdar incәsәnәt xadimi (1991). Azәrb. Dövlәt Un-tini (1959) vә Azәrb. Dövlәt Konservatoriyasını (1961, indiki BMA) bitirmişdir. 1964 ildәn BMAda pedaqoji fәaliyyәt (1992–2012 illәrdә kafedra müdiri) göstәrir. Musiqi estetikası vә fәlsәfәsinә dair tәdqiqatları var. H. 1964–90 illәrdә Azәrb. Teleradio Şirkәtinin solisti olmuş, kamera ork. ilә çıxış etmişdir. Repertuarına Azәrb. bәstәkarlarının (bir çoxunun fleyta üşün yazılmış әsәrlәrinin ilk ifaçısıdır), hәmçinin Q.Qarayev, F.Əmirov, S.Hacıbәyov, C.Hacıyev, A.Mәlikov, T.Quliyev, T.Bakıxanov, elәcә dә rus vә Qәrbi Avropa bәstәkarlarının fleyta üçün әsәrlәri daxildir. Azәrb. kamera musiqisinin xaricdә tәbliğ edilmәsindә xidmәti var. 1975–76 illәrdә Qahirә konservatoriyasının fleyta sinfindә dәrs demiş, Qahirә, İsgәndәriyyә, Luksor, Heluan vә s. şәhәrlәrdә solo konsertlәr vermişdir. Avropa, Yaxın Şәrq vә Latın Amerikası ölkәlәrindә qastrolda olmuşdur. Elmi kadrların hazırlanmasında xidmәti var. Əsәri: Социальная активность искусства. Б., 1980.
Əd.: К а ф а р о в а З. Тельман Гаджиев. Б.,2000.
