HACIYEV Vahid Cәlal oğlu (14.2.1928,Şuşa – 7. 4.2008, Bakı) – Azәrb. botaniki. Biol. e. d. (1966), prof. (1970). AMEA-nın akad. (1989); m. üzv (1983). Azәrb. Kәnd Tәsәrrüfatı İn-tunu bitirmişdir (1947). 1952–57 illәrdә Azәrb. SSR EA Botanika İn-tunda baş elmi işçi, 1972–73 illәrdә orada әsasını qoyduğu Geobotanika şöbәsinin müdiri vәzifәsindә qalmaqla Azәrb. Elmi Tәdqiqat Yemçilik vә Otlaqlar İntunun direktoru, 1978–88 illәrdә Botanika İn-tunda elmi işlәr üzrә direktor müavini olmuş, 1988 ildәn direktor vәzifәsindә çalışmışdır. Tәdqiqatları Azәrb.-ın florası, bitki ehtiyatları vә onların mühafizәsinә, geobotanikanın hәm klassik, hәm dә müasir metodlarından, o cümlәdәn, bitki örtüyünün aerokosmik vә mәsafәdәn tәdqiqi üsullarından istifadә etmәklә öyrәnilmәsinә, yemçiliyin başlıca problemlәrinә, fitosenologiyaya vә s. hәsr edilmişdir. O, Böyük Qafqazın, Talışın, Kiçik Qafqazın yüksәk dağ bitkiliyinin floristik tәhlilini, dominant vә subdominant bitki formasiyalarının geobotaniki sәciyyәsini vermiş, bitki örtüyünün dinamikasını, mühit amillәrinin ona tәsirini tәdqiq etmiş, formalaşma prosesinin tәsvirini vermişdir. “Azәrbaycanın bitki örtüyü” xәritәsi bilavasitә onun rәhbәrliyi ilә yenidәn hazırlanmış, Azәrb., rus vә ingilis dillәrindә çap olunmuşdur (1992). H. bir çox xarici ölkәlәrdә beynәlxalq sәviyyәli müşavirәlәrdә mәruzәlәrlә çıxış etmişdir.1956 ildәn pedaqoji fәaliyyәtlә mәşğul olmuşdur. Kadr hazırlığında xidmәti var. “Şöhrәt”, “Şәrәf nişanı” ordenlәri, XTNS-nin 1 qızıl, 2 gümüş medalı vә digәr medallarla tәltif olunmuşdur.
Ə s ә r l ә r i: Очерки растительности Закатальского заповедника, Б., 1954; Высокогорная раститель ность Большого Кавказа, Б., 1974; Динамика и производительность растительного покрова высокогорий, Б., 1974; Высокогорная растительность На хичеванской АССР, Б., 1975; Флора и раститель ность высокогорий Талыша, Б., 1979; Kiçik Qafqazın bitki örtüyü, B., 1990.
