HACIYEV Valeh Əlipaşa oğlu (Valeh Hacılar) (15.4.1951, Gürc. SSR, Bolnisi r-nunun Darvaz k. – 23.1.2010, Tbilisi, Darvazda dәfn olunmuşdur) – Azәrb. әdәbiyyatşünası. Filologiya e.d. (1993), prof. (1994). Azәrb. Pedaqoji Rus dili vә Ədәbiyyatı İn-tunu (1973) bitirmişdir. Tbilisi Dövlәt Pedaqoji İn-tunun Azәrb. dili vә әdәbiyyatı kafedrasının müәllimi (1973–89), hәmin kafedranın müdiri (1989–2010) olmuşdur. Tәdqiqatları, әsasәn, Azәrb. folklorunun inkişaf tarixinә, sәciyyәvi xüsusiyyәtlәrinә, hәmçinin türkdilli gürcü aşıqlarının yaradıcılığına hәsr edilmişdir. Azәrbaycanca-gürcücә vә gürcücә-azәrbaycanca ilk lüğәtin müәllifidir (B.–Tbilisi,1997). “Hәrşәnin ocağı” adlı şeir vә poemalardan ibarәt toplusu 2000 ildә Tbilisidә nәşr olunmuşdur. Bәzi şeirlәri gürcü dilinә tәrcümә edilmişdir. 30-dan çox elmi әsәrin, o cümlәdәn 2 monoqrafiyanın müәllifidir. Azәrb.-Gürcüstan mәdәni әlaqәlәrinin inkişafında xidmәti var. Gürc. Resp.-nın “Şәrәf” ordeni ilә tәltif edilmişdir.
Ə s ә r l ә r i: Folklorumuzun üfüqlәri. B., 1991; Azәrbaycan folkloru әnәnәlәri. Tbilisi, 1992; Gürcüstanda türk xalq әdәbiyyatı әnәnәlәri. B., 2005.
