HACIYEVA Xuraman Abdulla qızı (7.3.1945, Ucar r.-nunun Müsüslü k. – 15.2.2005, Bakı) – Azәrb. aktrisası. Azәrb. Resp. xalq artisti (1999). 1964–67 illәrdә Azәrb. Dövlәt İncәsәnәt İn-tunda oxumuş (1964–67). Gәncә Pedaqoji İn-tunu bitirmişdir (1975). Sәhnә fәaliyyәtinә Bakıda xalq teatrında başlamış, 1963–65 illәrdә Azәrb. Dövlәt Akademik Dram Teatrında işlәmiş, Kәmalә ("Toy", S.Rәhman), Sona ("Hacı Qara", M.FAxundzadә) vә s. rollarda çıxış etmişdir. 1966–72 illәrdә Gәncә Dövlәt Dram Teatrının aktrisası olmuşdur. Ən yaxşı rolları: Könül ("Mәhәbbәt körpüsü". N.Gәncәli), Sara ("Solğun çiçәklәr", C.Cabbarlı), Ayğül ("Aygül diyarı", M.Kәrim), Nәrmin ("Unuda bilmirәm", İ.Əfәndiyev), Nazlı ("Şәrqin sәhәri", Ə.Mәmmәdxanlı), Dezdemona ("Otello", U.Şekspir), Çiçәk ("Dağ çiçәyi", M.Əlizadә) vә s. 1972–78 illәrdә Azәrb. Dövlәt Gәnc Tamaşaçılar Teatrında fәaliyyәt göstәrmiş, yaddaqalan obrazlar yaratmışdır: Yetәr ("Hacı Qәnbәr", N.Vәzirovun "Yağışdan çıxdıq yağmura düşdük" әsәri üzrә), Humay ("Komsomol poeması", İ.Coşğun; S.Vurğunun eyniadlı poeması üzrә), Qızıl gül ("Aycan", X.Əlibәyli), Firәngiz ("Mәhәbbәt novellası". Ş.Xurşid, Ə.Hacıyev), Cemma ("Ovod", E.Voyniç), Hesper ("Zәncirlәnmiş Prometey", C.Mәmmәdov), Beatriçe ("İki ağanın bir nökәri", K.Qoldoni), Cavahir ("Büllur sarayda", İ.Əfәndi yev) vә s. H. 1998–2001 illәrdә Nax. Dövlәt Musiqili Dram Teatrının sәhnәsindә Telli ("Arşın mal alan", Ü.Hacıbәyli), pristavın arvadı ("Qurbanәli bәy", C.Mәmmәd quluzadәnin eyniadlı hekayәsi üzrә), İnanc xatun ("Atabәylәr", N.Hәsәnzadә) vә s. rolları oynamışdır. 2001 ildәn yenidәn Azәrb. Dövlәt Gәnc Tamaşaçılar Teatrında çalışmışdır. 80-cı illәrdә Azәrb. televiziyasında "Əlifba teatrı" verilişinin aparıcısı olmuşdur. H, "Laçın yuvası", "Partizan Aliyә", "Qәrib qız", "Gәnclik macәrası", "Ziqzaqlar" ("Axillesin dabanı"), "Kor qadın" vә s. televiziya tamaşalarında; "Arşın mal alan" (1965; rej. T.Tağızadә); "İşgüzar adamlar" (1977, rej. O.Mirqasımov), "Lәtifә" (1990; rej. N.Musayev), “Hökm” (1994; rej. N.Muqbilov) vә s. kinofilmlәrdә, "Mozalan" satirik kinojurnalında çәkilmiş, bir çox filmin dublyajında iştirak etmişdir.
