HAÇABUYNUZ ANTİLOP (Antilocap ra amerikana) – cütdırnaqlılar dәstәsinin çәngәl buynuzlular fәsilәsindәn mәmәli. Fәsilәnin yeganә müasir növü. Bәdәn quruluşu zәrifdir; uz.140 sm-әdәk, süysün hünd. 105 sm-әdәk, kütlәsi 64 kq-adәk olur. Üzü uzunsov, gözlәri iri, uzun kirpiklidir. Erkәklәrin 25 sm-әdәk olan buynuzları çәngәl şәklindә şaxәlәnmiş (adı buradandır), dişilәrdә bir qәdәr kiçik, yaxud heç olmur. Hәr il dәyişәn buynuzları sümük әsaslıdır. Beli sarımtıl-qәhvәyi çalarlı, qarnı vә yan tәrәflәrinin aşağı yarısı ağdır; quyruğunun dibindә ağ “aynacıq” vardır. H.a. Şimali Amerikanın çöl vә sәhralarında yayılmışdır. Hәm gecә, hәm dә gündüz fәaldır. Müxtәlif otlarla qidalanır. Ən sürәtlә qaça bilәn mәmәli olub, saatda 65 km (qısa mәsa fәlәrdә 95 km-әdәk ) sürәtlә qaça bilir. Yayda H.a. kiçik qruplarla yaşayır, qışda isә sürülәr (yüzlәrlә baş antilop) şәklindә birlәşirlәr. Kürsәyәgәlmә zamanı erkәk fәrd 15-ә dәk dişini әtrafına toplayır. 2 bala doğur. Bizonlarla birlikdә hindilәrin hәyatının әsasını tәşkil edirdi. 1880 ildә 140 mln. fәrddәn artıq olan H.a.-ların sayı azalaraq 1990 ildә tәqr. 19 min baş qalmışdı. 20 әsrin 2-ci yarısında mühafizә tәdbirlәri nәticәsindә H.a.-ların sayı bir neçә yüz min baş olmuşdur. İdman ovçuluğu obyektidir. Tәbiәtdә 8–10 il yaşayır, bağlı saxlanmağa (heyvanxanada, zooparkda) dözmür.
Haçabuynuz antilop (Antilocapra americana).
