HAXA (Hácha) Emil (12.7.1872, Trqove-Svini – 1.6.1945, digәr mәlumatlara görә 27.6.1945, Praqa) – Çexiya dövlәt vә siyasi xadimi. İxtisasca hüquqşınas idi. 1925–38 illәrdә Ali inzibati mәhkәmәnin prezidenti olmuşdur. Münxen sazişinin (1938) bağlanmasından sonra 1938 il noyabrın 30-da Almaniyanın dәstәyi ilә Çexoslovakiyanın prezidenti seçilmişdir. 1939 il martın 15-dә Berlindә Çexoslovakiyanın müstәqilliyinin lәğvi haqqında aktı imzalamışdır. Çexiyanın alman qoşunları tәrәfindәn işğalından sonra 1939 il martın 16-da alman administrasiyası tәrәfindәn “Bohemiya vә Moraviya protektoratının” dövlәt prezidenti tәyin edilmiş, bu vәzifәni 1945 ilin aprelinәdәk tutmuşdur. 1945 il mayın 16-da hәrbi cinayәtkar kimi mәhkәmәyә verilmiş, hәbsxanauda ölmüşdür.










