HALDEYN (Haldane) Dankan (d.14.9.1951, London) – Britaniya fiziki, Nobel mükafatı laureatı (2016, C.Kosterlits vә D.Taules ilә birlikdә; topoloji faza keçidlәri vә materiyanın topoloji fazalarının nәzәri kәşfinә görә). London Kral C ә m i y y ә t i n i n (1966), Amerika İncәsәnәt vә Еlmlәr Аkademiyasının (1992), Amerika Fizika Cәmiyyәtinin, Fizika İnstitutunun (Böyük Britaniya), еlmin inkişafına dәstәk olan Amerika Assosiasiyasının üzvüdür. Kembric Un-tini bitirmiş (1973), orada doktor dәrәcәsini almışdır (1978). 1990 ildәn ABŞ-ın Prinston Universitetinin fizika fakültәsinin professorudur. O, maddәnin kondensаsiya olunmuş halının fizikasının tәdqiqi sahәsindә (mәs., Lattinjerin mayelәr nәzәriyyәsi, birölçülü spin zәncirlәr nәzәriyyәsi, kәsr kvant Holl effekti nәzәriyyәsi vә s.) mühüm işlәr görmüşdür. Amerika Fizika Cәmiyyәti tәrәfindәn Oli ver Bakli mükafatı (1993), Dirak medalı (2012) ilә tәltif olunmuşdur.
