HÁLİFAKS (Halifax) – Kanadanın c.- ş.-indә şәhәr. Yeni Şotlandiya әyalәtinin inz. m. Əh. 263,5 min (2006, şәhәr әtrafı ilә birlikdә 375,3 min). Nәql. qovşağı. Atlantika okeanının donmayan körfәzi sahilindә iri dәniz portu; illik yük dövriyyәsi tәqr. 14 mln. t) (әsasәn, neft idxalı) vә 550,5 min İFE konteyner. Beynәlxalq aeroport. 1749 ildә ticarәt vә mәskunlaşma lordu C.Dankın (Halifaks qrafının) göstәrişi ilә gen. E.Kornuollis tәrәfindәn salınmışdır. 1842 ildә şәhәr statusunu almışdır. Şәhәrdә qala (1828–56, saat qüllәsi, 1803, hazırda Hәrbi muzeydir), Uels şahzadәsi Martellonun qüllәsi (1796–97), Georq üslubunda Yeni Şotlandiya qanunvericilik mәclisinin evi saxlanılmışdır. Un-tlәr: Kral kolleci (1789), Sent-Meri (1802), Dalhaui (1818), Yeni Şotlandiya texniki (1907), Maunt-Sent-Vinsent (1925 ildә kollec kimi yaradılmış, 1966 ildәn untdir), incәsәnәt vә dizayn kolleci (1887); Bedford okeanoqrafiya tәdqiqatları mәrkәzi. Muzeylәr: Yeni Şotlandiya, tәbiyyat tarixi (1868), dәnizçilik (1982); Yeni Şotlandiya rәssamlıq qalereyası (1975). Teatrlar: “Neptun” (1962), “Rusalka” (1975). Aparıcı sәnaye sahәlәri gәmiqayırma vә neft emalıdır. Avtomobilyığma müәssisәlәri, hәmçinin elektronika, mebel vә tikiş sәnayesi müәssisәlәri fәaliyyәt göstәrir. Balıq ovlama vә balıq emalı mәrkәzidir.
Halifaks şәhәrindәn (Kanada) görünüş.
