HALQALI İPƏKSARIYAN, h a l q a l ı b a r a m a s a r ı y a n (Malacosoma neustria) – baramasarıyanlar fәsilәsindәn kәpәnәk. Meyvә vә meşә bitkilәrinin, әsasәn, alma ağacı vә palıdın zәrәrvericisidir. Avropa vә Asiyada geniş yayılmışdır. Eninә (köndәlәn) 2 zolağı olan sarımtıl-qәhvәyi rәngli qanadları (erkәyindә açılmış halda 28–32 mm, dişisindә 38–42 mm) var. Tırtılı 55 mm-әdәk uz.-da, ağ, narıncı vә göy uzununa zolaqları olan göyümtül-boz rәngdәdir. Dişilәri yayın ortasında yumurtalarını halqa (spiral) şәklindә (adı da buradandır) yerlәşdirәrәk, onları nazik budaqlar üzәrinә (hәr topada 300–400-әdәk) qoyurlar. Bir meyvә ağacı üzәrinә 5–10 dәfә yumurta qoyulması mәhsul üçün ciddi tәhlükәdir. Tırtıllar yumurtaların möhkәm pәrdәlәri altında qışlayır; yazda onları tәrk edir vә budaq ayrıclarındakı torlarda әmәlә gәtirdiklәri yuvalarda koloniyalarla (inkişafın sonunda tırtıllar ağac çәtirlәrindә tәk-tәk) yaşayırlar. Tumurcuqlama dövründә tırtıllar 25–40 sutka yarpaqlarla qidalanır, hәmçinin qönçә vә çiçәklәri zәdәlәyir, sonra ipәk xovcuqlarının yaratdığı torlar üzәrindә yarpaqlar arasında vә qabıq çatlarında puplaşır. İldә bir nәsil verir. M ü b a r i z ә t ә d b i r l ә r i: bio prep aratlarla vә insektisidlәrlә işlәmә.
Halqalı ipәksarıyan (Malacosoma neustria).
